由細到大，皮膚膚色都比較暗黃，我強調，唔係黑，係黃！所以讀書時有花名叫「黃小姐」 (我唔係姓黃架!!!) 同時好羨慕啲天生白淨嘅同學仔，唔明大家都係黃種人，點解膚色可以差10度！後來看咗一篇文章，先知道原來罪魁禍首係「糖」！嗰刻有如當頭棒喝，因為由細到大，我都好鍾意食甜嘢，由於係食極唔肥體質，所以就食得更加肆無忌彈！
從嗰日開始，為咗靚靚嘅肌膚，我自問都食少咗好多，但講真日常飲食真係避無可避接觸糖，炒菜都會落少少糖吊味啦！雖然係持續一段時間嘅減糖情況吓，膚色係比讀書時白淨咗D，但距離理想膚色依然有距離，而且經過青春期嘅爆瘡後，毛孔變得粗大，日日都要化厚妝先至遮到啲問題。
直至認識咗日本Beauclair呢個牌子之後，我終於脫離咗「黃小姐」呢個稱號啦！初初係朋友介紹我用佢隻楊桃保濕卸妝水 ，貪佢夠大支好襟用 (有成500ml)，價錢只係百零蚊，CP值真係好高！話晒係日本Cosme No.1 ，實力同口碑都有番咁上下。買完睇官方網頁，發現佢除咗係5FREE配方，即係無酒精、無色素、無香料、無礦物油、無防腐劑，仲加入咗6種精華級成分，最特別嘅係當中嘅楊桃葉精華，原來係抗糖化強手，可以美白保濕，去除暗黃，亮白肌膚，預防肌膚鬆弛。其實啲化妝品唔多唔少都會傷害肌膚，呢支卸妝水幫肌膚卸妝之餘，仲有埋護膚功效，卸完妝皮膚好濕潤，一啲都唔繃緊，又唔似卸妝油咁油笠笠，真係超正！
用開有條路，喺萬寧架上見到佢隔離有支細細樽嘅楊桃毛穴管理水，原來係針對毛孔黑頭問題而研發，用法係洗完面當爽膚水用，沾濕化妝棉抹2抹就可以做到peeling、清黑頭、收毛孔，仲有保濕同增生膠原蛋白等神級護膚功效，同樣係以楊桃葉精華作主成分，所以去黃功效一流，開頭用果陣見到抹完後嘅棉化有啲黃黃黑黑，用咗一排之後，毛孔真係細咗好多，連帶黑頭都少咗。黑頭產品一般都有化學成分或者酒精，但呢支同樣係5FREE，夠晒天然，當中嘅淡淡清香嚟自天然薄荷油，用完塊面涼涼地，完全唔刺激，仲可以幫助收斂毛孔添！唔怪得之成日都賣到斷晒貨！
