「聖誕扮靚貼士」 教你3步還原素美肌

作為派對常客,每年一到12月,小編我都會好鬼忙!鬼叫我人緣好,朋友多!所以禮物都要買多幾份!雖然周街都係聖誕福袋,但要買到啱心水又實用嘅!真係幾頭痕!不過又真係俾我搵到「平.靚.正」好物!全部唔駛$100,仲要係日本貨,唔買真係對唔住自己!

派對後必備 –  超保濕卸妝神水
貴為日本Cosme No.1嘅BEAUCLAIR楊桃保濕卸妝水,質素同口碑都有保證!5FREE配方 (即係無酒精、無色素、無香料、無防腐劑、無礦物油) 已經令我好驚喜!無諗過落妝產品都可以咁天然,睇埋當中嘅成分真係「嘩」一聲!有成6種精華級嘅護膚成分,唔怪之得佢標榜唔洗沖水啦,因為天然得嚟仲可以護膚,落完妝塊面仲濕潤過之前,而且感覺白淨咗!原來秘密在於當中嘅楊桃葉精華,可以抗糖化、抗氧化,改善化妝造成嘅面色枯黃,排毒美白,再睇埋價錢,真係「嘩!嘩!嘩!」,成支500mL平時都只係賣$119,適逢聖誕限定$79,價錢親民到你唔信!

 

卸妝水係由獨特嘅親水親油粒子組成,所以就算眼唇妝都卸得淨,而且勁保濕,卸完之後皮膚仲水潤過之前。

零毛孔神器 – 毛穴管理水
化妝最忌就係毛孔粗大,因為痘印、斑點都容易遮,但毛孔粗大、有黑頭暗粒,化妝後塊2面凹凸不平都幾核突!所以每日我都會用毛穴管理水,沾濕化妝棉打圈「抹」面,就可以做到爽膚、潔淨、保濕、收緊毛孔,用果陣會有清涼感覺,原來係嚟自當中嘅薄荷油,而且同樣係5FREE配方,唔會好似一般收毛孔產品咁含有酒精成分,所以唔驚會出現敏感!

 

除咗日常當爽膚水用,毛穴管理水仲可以當深層淨膚MASK,秘訣係沾濕幾塊化妝棉,然後敷係毛孔粗大嘅位置約10-15分鐘,污糟嘢就會浮上面,毛孔仲收細晒!

派對前急救 – 神級酒粕面膜
由日本席捲而來嘅大熱BEAUCLAIR酒粕透白肌面膜,經常賣到斷晒貨!好多大星網紅都有敷,個個嘅敷後感都係:好白好滑!全因當中嘅酵母精華同大米發酵液可以溫和咁去除老舊角質,同一時間當中嘅酒粕氨基酸則為肌膚注入養份,令細胞強壯健康,充滿彈性,加埋其他超補水成分,即時令皮膚煥然一新,而敷嘅時間只需10分鐘,完全係懶人變靚嘅magic mask!

 

酒粕帶有淡淡嘅酒香,超好聞,Creamy狀質地好易推開,當中嘅小顆粒就係酒粕啦!

「卸、抹、敷」3步還原素美肌
最近我仲有個小秘技,就係敷完酒粕面膜之後,再用沾濕毛穴管理水嘅化妝棉抹全面,啲污垢死皮更加無所遁形!塊面好似做咗大掃除咁,超乾淨,超幼滑!記住呢個3步美肌要訣,自然可以keep住靚靚皮膚,皮膚夠乾淨,就可以吸收到後續嘅護膚精華啦!

最近仲俾我留意到萬寧聖誕優惠,大大支卸妝水只係$79,另外兩款斷貨王毛穴管理水同酒粕面膜一律$99,買齊都只係$277,優惠去到19/12,有買趁早啦!

1 thought on “「聖誕扮靚貼士」 教你3步還原素美肌”

Leave a Comment

你的電郵地址並不會被公開。 必要欄位標記為 *