吳日言肌膚自決!!

由歌手、藝人、結婚生BB，到創業做老闆，吳日言都遵從本心，因為最了解自己嘅就係自己! 就連護膚，佢都係由「肌膚話事」!仲話而家流行「肌膚自決」！由肌膚“講” 俾你知，佢想你點護理佢!
Yan早排就開live分享佢嘅「肌膚自決」護膚心得! 原來同一塊面，唔同位置，都有唔同需要! 好似「T 字位」需要控油去角質，兩邊面頰就最需要保濕修護，而天氣嘅變化都會影響皮膚需要！潮濕易出油藏污，自然要注重清潔；天氣乾時就需要多保濕!

原來，Yan好鍾意用 Cream Mask塗抹面膜，一來可以任意配搭，按肌膚唔同位置嘅需要，同一時間敷唔同嘅mask，超慳時間！而且厚敷、薄敷、敷邊個位置由肌膚話事； 二來無論咩刁鑽或微細地方都Cover到，敷埋頸及腮位都無問題；三來佢覺得Cream Mask嘅修護效果更強，可以滿足皮膚高層次嘅護膚訴求!

日本BEAUCLAIR酒粕透白肌面膜
3重發酵神效!枯黃暗粒重災區必備
率先介紹BEAUCLAIR皇牌-酒粕透白肌面膜!! Yan最先俾佢嘅成分吸引! 就係「日本大米發酵液」，發現「日本米」除咗好食，仲可以護膚，梗係興奮啦! 再有「酒粕」同埋「酵母」，三種成分結合，完美發揮「3重發酵」功效，敷完成塊面好白、好滑!! 佢最犀利既可以溫和咁清除表層角質，軟化角質死皮，打開毛孔，將底層頑固嘅粉刺污垢自然迫出，輕易清走污垢；同時間提供酒粕氨基酸養分，激活底層細胞，即時去黃淨白，果種白係feel到從底層白出嚟嘅淨白！

唔知大家有冇聽過「肌膚斷食」呢個護膚方法！道理就好似斷食法咁，係提倡皮膚偶然都要斷食，咩護膚品都唔搽，連防曬都唔搽，令肌膚自我調節清潔和保濕功能，提升抗禦力！

日本BEAUCLAIR小布丁系列面膜
堅持護膚初心 只用肌膚需要的營養
而BEAUCLAIR最近推出嘅2款小布丁面膜，同「肌膚斷食」有異曲同工之妙!! BEAUCLAIR 本身嘅理念都係以簡單天然成分回復鮮活素肌，有時護膚品太補太rich未必係好，可能會對皮膚造成負擔，而小布丁所採用嘅成分，以最天然護膚元素為基礎，正正係以補充肌膚最適切嘅養分，唔加唔減啱啱好!!  完全就係「肌膚自決」!

BEAUCLAIR 3重淨化小布丁
來自土地的淨化力量
平時敷泥mask覺得好糾結好難推，同埋敷完會乾爭爭，但「3 重淨化小布丁」完全冇呢個問題! 佢用咗3種大地淨化泥：日本深海棚倉黏土、高嶺土 及 膨潤土，分別針對油脂、污染物、 毒素，深入毛孔 3 重淨化，即時解決T字位毛孔粗大、出油嘅問題! 再加咗透明質酸、洋甘菊、鼠尾草呢啲花萃成分，可以鎮靜舒緩返毛孔，好似有層保濕膜保護住啲毛孔，超乾淨超細緻!

BEAUCLAIR 亮潤肌療小布丁
來自花萃的修護力量
「亮潤肌療小布丁」一盒內有2款唔同功效嘅Mask：煥顏亮白小布丁 、晚間潤修小布丁! 符合「肌膚自決」宗旨，隨肌膚需要而決定敷邊一款!

「煥顏亮白小布丁」
呵護原白素肌!
匯集咗 7 種花萃亮白力量，全面擊退暗沉黃氣，均勻膚色。其中有「美白黃金」美譽嘅光果甘草，可以強效去除暗瘡印、小斑點，自然咁提亮膚色；而活性白睡蓮就特別針對糖化黃倦肌，可以產生肌膚天然屏障，提升肌膚嘅抗禦力，變返彈潤有光澤!

「晚間潤修小布丁」
擊退鬆弛皺紋
睡眠面膜一般都較rich!!但「晚間潤修小布丁」係輕盈啫喱狀嘅，佢裡面含有十幾種花萃精華及精油，仲有多種維他命活膚元素，好似維他命 B5 及 B12，完美咁補充肌膚養分，達到水油平衡狀態!! 當中最特別嘅係花萃形成嘅抗老微粒，有好強嘅抗氧化功效！敷住嚟瞓覺，啲微粒會滲透肌膚底層再慢慢釋放，修補老化鬆弛，撫平初起嘅幼紋！而家開始踏入春夏季節，太rich易生粒粒，但夜晚開住冷氣又易乾，敷呢隻mask啱啱好，保濕得嚟唔笠!